உலகிற்கு பொது….

உலகிற்கு பொதுவாய் அறமொன்றை செதுக்கி/
ஊர்களில் யாவரும் கேளீர் என்போம்/
சிறையில் அடைந்த சிந்தையை திறந்து/
சிதைந்த மனங்களில் விதைப்போம் மனிதம்/

கொள்கையும் கோசமும் பலவாய் இருந்தால்/
கொண்ட இலட்சியம் பெறுவது எப்போது/
ஆக்கல் கடினம் அழித்தல் இலகு/
ஆண்டவன் விதித்த நியதியில் ஒழுகு/

உண்மைக்கு பயந்து பொய்யை வியந்து/
ஊருக்கு நடித்து உயர்ச்சியில் இருப்பவர்/
ஒருநாள் விழுவார் சகதியில் அமிழ்வார்/
ஒருவரும் விடுபடார் தர்மத்தின் தீர்ப்பில்/

அளவுக்கு மீறிய செல்வமும் விடமே/
அன்பை கொடுத்திடு அயலும் நமதே/
முயலை வென்ற ஆமையும் உண்டு/
முயற்சியே என்றும் மேன்மையே நம்பு/

முடிவுறும் வாழ்க்கையில் முடிவுறா ஆசைகள்/
முழுவதும் தெளிவுற முடிந்தன நாட்களும்/
வாழ்ந்திடும் காலத்தை வரமென கொண்டிரு/
வசந்தமும் வருமே வாசலின் முன்னே...

Dhatchanamoorthi karitharan