සිව් කුලෙන් සැදි සඟ සොබාවේ  කසාවත් යාවී

සිව් කුලෙන් සැදි සඟ සොබාවේ  කසාවත් යාවී
ගවලෙනට වැදි තරු ප්‍රභාවේ අනුහසින් පේවී
දුගී නද රැඳි යාතිකාවේ සුරවදන් බෝවී
සිත් පුරා රැඳි භේද සේදී සමගි ජය වේවී


අල් කුරානේ ත්‍රිවිධ රත්නේ  ගුණෙන් සැරසේවී
බයිබලේ තුල පාලි ගාථා නවමු රස       දේවී
ධම්ම පදයට ජේසු ප්‍රේමේ පාට මුසු       වේවී
ශුද්ධ පුස්තක සමගියේ රස රනින්   ලියවාවී


පල්ලියේ අල්තාරයේ වැඩ සිටි පතිනි      දේවී
කෝවිලේ ගල් පතුරු මත සිරි පාද  ගැවසේවී
පන්සලේ සුදු වැලිතලේ අල්ලා දෙවිඳු    වේවී
සුදු වතින් සැරසී දනන් මේ ගුණ සරණ  යාවී


නත්තලට හරි ලස්සනට පුන් සඳ එළිය වේවී
මක්කමට එහි යාතිකාවට බෝ සිසිල වේවී
පුන් පොහෝයට කෝවිලේ සීනුවක නද වේවී
සමගි දම් දුටු අනුහසින් මහා පොළොව හැඬවේවී


මරිය සඟමිත් තෙරණි ගෙන ආ අනුහසින් පෙවී
පුරුෂ ස්ත්‍රී හැඩරුවේ භේදයට තිත වේවී
ලෝසතුන් සඳ දෙසූ දහමෙන් සකල කිලි නෑවී
යාතිකාවට බෝධි මළුවට ළඳුන් රුව ඒවී


සුදුවතින් ඔසරියෙන් සරමින් සැරසිලා පේවී
ෆාතිමා ක්‍රිශ්ණා සඳා දහමේ සරණ යාවී
සියලු දෙව් බඹ රශ්මියෙන් කුල භේද දොස් නෑවී
අපි අපේ වන සොඳුරු දවසක් හෙට උදා වේවී

Ravindu Shanod Randeepa